Gintuyo sang kampo ni dismissed Bamban Mayor Alice Guo nga punggan ang prosekusyon sa pagpresentar sang apat (4) ka personnel sang Bureau of Internal Revenue (BIR) agud magtestigo sa hearing sang iya kaso nga graft sa Valenzuela Regional Trial Court Branch 285.
Ang apat nga BIR personnel nga ginpaatubang sang prosekusyon ang nagikan sa Bulacan kag Tarlac.
Panindugan sang abogado ni Guo nga si Atty. Nicole Jamilla, wala suno diri sang koneksiyon ang pagpresentar sa mga BIR personnel sa kaso nga graft sang ginsipa nga alkalde kag ginpahayag sini nga dapat nga pagatutukan lamang ang iya nga graft case kag indi ang tax charges.
Apang ginsiling sang prosekusyon nga luyag nila nga ma-establish kun may koneksiyon si Guo sa Baofu Land Development Inc.
Nahibaluan nga una na nga nabuyagyag nga incorporator si Guo sa Baofu nga nagparenta sa POGO nga Zun Yuan Technology sa Bamban, Tarlc nga ginapahayag konektado sa mga iligal nga aktibidad kasubong sang human trafficking.
Sa pihak naman sang nangin tikang sang kampo ni Guo, gintugutan sa gihapon ni Judge Orven Kuan Ontalan ang BIR personnel nga magatestigo.
Nagguwa man sa hearing nga wala naka-file sang anuman nga tax sumugod sang nag-apply ini para sa Taxpayer Identification Number sa Bulacaan tubtob nga nasaylo siya sa Tarlac.
Samtang, magapadayon naman ang hearing sa kaso ni Guo sa masunod nga martes, Enero 28.
