Ginpanginwala sang kampo sang negosyante nga si Charlie Atong Ang ang yara sa likod sang ginapatihan aregluhanay kaangut sa kaso sang mga missing nga mga manugbulang.
Suno kay Atty. Gabriel Villareal, wala sang kahilabtanan si Atong Ang sa naaresto nga mag-tiayon nga ginsuhulan ang himata sang isa sa mga nadula nga manugbulang.
Dugang pa niya, daku ang kakibot kag pagkatingala kun ngaman ginatudlo si Ang nga pamuno sang nasambit nga pagpanuhol.
“Sa totoo lang, ang kaso na iyon ay kung sino man ang may motibo na mag-areglo nung kasong iyon ay yung dapat mga akusado. Walang iba yon kundi si Julie Patidongan,” pahayag ni Atty. Gabriel Villareal.
Dugang pa sang natungdan, nagapati sila nga si Patidongan ang yara sa likod sang nasambit nga pagpanuhol sa rason nga siya ang akusado kag luyag lang sini nga maaprubahan ang request sini nga pyansa kag aplikasyon para mangin ‘state witness’.
