Nagalaum ang mga tagasuporta ni Pinoy Olympian Ernest John “EJ” Obiena nga indi maapektuhan sang rally kag bagyo ang pinakauna nga International Pole Vault event sa pungsod nga pagahiwaton sa Setyembre 21 sa Ayala Triangle Gardens sa Makati.
Ang Atletang Ayala World Pole Vault Challenge ang pagapangunahan sang top Filipino vaulter, sa diin ginalauman nga magadugok ang mga tumalan-aw agud masaksihan ang world-class pole vault competition, isa ka talagsahon nga oportunidad sa kasaysayan sang sports sang Pilipinas.
Kaupod ni Obiena sa kompetisyon ang walo ka mga world-ranked pole vaulters gikan nagkalain-lain nga pungsod ini amo sanday: Austin Miller kag Matt Ludwig sang USA, Thibaut Collet sang France, Oleg Zernikel sang Germany, Piotr Lisek sang Poland, Ersu Sasma sang Turkey, Ben Broeders sang Belgium, kag si Menno Vloon sang Natherlands.
