CUARTERO, CAPIZ – Nakumpiska ang kapin P20,000 nga balor sang iligal nga droga sa ginpatigayon nga drug buy-bust operation sa banwa sang Cuartero, Capiz.
Ang subject person amo si alyas Gringo, 37 anyos, kag residente sang Barangay Balucuan, Dao, Capiz.
Sa interview sang Bombo Radyo kay Police Captain Jessie Lepaña, officer-in-charge sang Cuartero Municipal Police Station, iya ginpahayag nga madugay na ginamonitor ang amo nga subject person nga nagapatigayon san pagbaligya sang iligal nga druga sa lugar.
Suno kay Lepaña, nakuha sa subject person ang walo ka sachet sang ginapatihan shabu nga nagabug-at sang 3 grams kag may standard drug price nga P20,400 kag P1,600 nga buy-bust money.
Pahayag pa niya, lakip man sa ginkumpiska sang mga kapulisan ang motorsiklo nga ginagamit sini sa pagbaligya.
Dugang pa sang natungdan, yara na sa jail facility sang Cuartero Muicipal Police Station ang amo nga subject person nga magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
INTERVIEWED BY: BOMBO ROADNIE DABAN DALANON VIA ZONA LIBRE
