Nagnubo ang mga kaso sang pagpanghimulos ukon rape kag pagpangawat sa probinsya sang Capiz sang tinalikdan nga tuig 2024.
Sa interview sang Bombo Radyo kay PCOL Albert Tapulao, Provincial Director sang Capiz Police Provincial Office, ginpahayag sini nga yara sa 42 tanan ka mga insidente sang pagpanghimulos ukon rape ang nabalhag sang tinalikdan nga tuig 2024, kun sa diin mas manubo ini sang 41 sa 83 tanan ka mga kaso nga nabalhag sang tinalikdan nga tuig 2023.
Samtang, 111 naman ka mga kaso sang pagpangawat ang nabalhag sang tuig 2024, kun sa diin mas manubo ini sang 33 sa 134 nga nabalhag sang nakaligad nga 2023.
Dugang pa sini, pagatutukan naman sang mga kapulisan ang kaso sang traffic accidents nga magaluntad sa bilog nga probinsya sang Capiz subong nga tuig 2025.
