Gindumilian sang korte ang kilala nga celebrity nga si Tessa Prieto Valdes nga magpaguha sang anuman nga negatibo nga pahayag batuk sa anay karelasyon nga si Angel Chua.
Sa ginpaguha nga mandu sang Makati City Regional Trial Court, gintugutan sang korte ang hinyo nga gag order batuk kay Prieto samtang padayon pa ang hearing sa kaso.
Una diri nga, nagpangayo sang bulig ang kampo ni Chua sa korte kag gin-aprubahan ang mosyon ni Atty Alexander Llanes Acain Jr. nga nagahinyo nga magpaguha sang gag order bangud sa paglapas sa sub judice rule ni Prieto.
Sa idalum sang sub judice rule gindumilian ang paghatag sang anuman nga komento ukon statements sa isa ka kaso nga nabilin, tinutuyo sini nga maprotektahan ang integridad sang legal process kasubong man ang kinamatarung sang duha ka partido.
Ginbayular suno ni Prieto ang sub judice rule sang magpa-interview ini kag ginmensyunar ang detalye sa kaso.
Nagpasalamat naman si Chua sa gin-isyu nga gag order sang korte para man sa iya proteksyon ilabi na batuk sa mga fake news.
