Kita sang Roxas City Integrated Transport Terminal naapektuhan bangud sa COVID-19 Pandemic

ROXAS CITY – Tuman nga naapektuhan ang kita sang Roxas City Integrated Transport Terminal sang ginapangatubang sa karon nga pandemiya tuga sang coronavirus disease.

Ini ang ginpahayag mismo ni Terminal Administrator Victor Arcenas sang mainterview sang Bombo Radyo.

Suno kay Arcenas nga tuig 2019 naglab-ot pa sa P18,451,462.30 ang kita sang terminal samtang P7,068,595.47 naman sang nakaligad nga tuig 2020.

Nahibaluan nga daku ang epekto sang COVID-19 pandemic sa operasyon sang nasambit nga terminal ilabi na sang ginpaidalom ang probinsiya sa Enhanced Community Quarantine (ECQ) sadtong Marso 15, 2020.

Suno kay Arcenas, masobra 50 porsiyento ang nadula nila nga kita sang amo nga terminal sa diin kapin sa P20,000 na lamang ang ginakita kada-adlaw.