ROXAS CITY – Suspendido ang klase sa mga buluthuan sa mga estado sang Amerika nga apektado sang tuman ka lamig nga panahon.
Sa interview sang Bombo Radyo Roxas kay Mr. Raffy Fernando 12 ka tuig na nga nagapuyo sa Indiana, USA nga first time sini nga ma-experiensiyahan ang tuman ka lamig humalin sang nag-estar sa Amerika.
Suno kay Fernando nga sa sobra nga lamig nagalab-ot na karon sa -13°F ang temperatura sa ila nga lugar mas sobra pa sa lamig nga naexperiensiyahan sa Greenland kag Siberia.
Humalin sang Lunes suspendido na ang klase, mangin ang mga trabaho, subongman sarado ang kadam-an nga mga establisemento.
Apang nakapreparar na ang mga tawo sa mga apektado nga mga lugar bangud duha ka adlaw antes maexperiensiyahan ang pagnubo sang temperatura naghatag na sang abiso ang federal government nga magtipon na sang pagkaon , tubig kag pila ka mga kinahanglanon sa balay.
Samtang, nagpaguwa na sang windchill warning ang federal government sa diinginpanugyanan ang mga tao nga likawan nga magguwa sa balay kun indi lamang importante ang ila nga lakat agud malikawan ang disgrasya.
Sa ngayon apektado nga matinding lamig ng panahon ang estado ng Minnesota, Ohio, Michigan,Indiana, Pennsylvania at New York sa Amerika at Toronto sa Canada.
