Kuwarto sang kura paroko sang Divine Mercy Mission station sa Barangay Milibili, ginsulod kag ginkawatan

ROXAS CITY – Padayon karon ang imbestigasyon sang kapulisan sa syudad sang Roxas may kaangtanan sa pagsulod kag pagpangawat sa kuwarto sang pari sa Barangay Milibili, sining syudad.

Nabugtawan ni Rev. Fr. Lowell Cayetano 55-anyos sang Poblacion, Cuartero, Capiz, kura paroko sang Divine Mercy Mission Station sa Barangay Milibili nga may nagakalas.

Sa iya pagtsekyar nakita sini ang nagatindog nga tawo sa guwa sang bintana.

Hana kuntani nga palapitan sang nasambit nga pari ang suspek agud makit-an ang iya nawong, apang hinali ini nga nagdalagan.

Nataban sang wala makilala nga suspek ang kapin P21,000 nga kantidad.