Arestado ang isa ka lalaki matapos makuhaan sang illegal nga armas luthang sa Barangay San Nicolas, Tapaz, Capiz.
.
Ang arestado amo si alyas “bostalo”, 26-anyos kag residente sang nasambit nga barangay.
Sa impormasyon nga nakuha sang Bombo Radyo nagikan sa Tapaz Municipal Police Station, natigayon nga madakpan ang arestado pinaagi sa ginpatigayon nga search warrant sang kapulisan.
Nakuha sa paghinakop sang amo nga persona ang isa ka homemade 12-gauge shotgun, isa ka eco bag kag isa ka fired shell sang 12-gauge shotgun .
Magapangatubang sa kaso nga paglapas sa RA 10591 ukon Comprehensive Firearms Ammunition Regulation Act ang nasambit nga persona.
Sa subong, yara na sa paghinakop sang Tapaz Municipal Police Station ang nasambit nga arestado para sa nagakaigo nga disposisyon.
