Lalaki, dakop matapos ginserbihan sang warrant of arrest sa syudad sang Roxas

Dakop ang isa ka lalaki matapos ginserbihan sang warrant of arrest sa Pueblo de Panay, Brgy. Lawaan, Roxas City.

Ginkilala ang nadakpan kay alyas Raymund, 36-anyos kag residente sang Aglipay St., Brgy. VII, Roxas City.

Nahibaluan nga nagapangatubang sa kaso nga paglapas sa Republic Act 9165 ukon Comprehensive Dangerous Drugs Act of 2002 ang akusado kun sa diin ang warrant of arrest ang ginpapanaog kag ginpirmahan ni Hon. Esperanza Isabel E. Poco-Deslate, Presiding Judge, Regional Trial Court, Sixth Judicial Region, Branch 19, Roxas City, Capiz nga napetsahan sang Nobyembre 29, 2024.

Sa karon, yara na sa kustodiya sang Roxas City PNP ang akusado para sa nagakaigo nga disposisyon.