Lalaki, dakop matapos ma-implementaran sang warrant of arrest sa banwa sang Sigma

SIGMA CAPIZ – Dakop ang isa ka lalaki, matapos ma-implementaran sang Warrant of Arrest sang kapulisan sa Barangay Mangos, Sigma Capiz.

Ginkilala ang amu nga persona kay alyas Naldo, 56-anyos, driver kag residente sang nasambit nga lugar.

Ang warrant of arrest ang gin-isyu kag ginpirmahan ni Hon. Judge Joevy Paclibar Valenzuela, Presiding Judge of Municipal Trial Court, 6^th Judicial Region, Sigma-Sapian-Jamindan, Capiz kag napetsahan Setyembre 11, 2024.

Ginrekomendar sang korte ang P36,000 nga piyansa para sa temporaryo sini nga kahilwayan.

Sa karun, yara ini sa kustodiya sang Sigma MPS, para sa nagakaigo nga disposisyon kag natalana nga i-turn over sa court of origin.