Dakop ang isa ka lalaki nga nagahupot sang armas luthang sa gin-implementar nga search warrant sang mga kapulisan sa Barangay Cabungahan, Maayon, Capiz.
Ginkilala ang nadakpan kay alyas “Renante”, 43-anyos, glass installer kag residente man sang amo nga barangay.
Sa pagpakig-angut sang Bombo Radyo kay Police Major Syril Punzalan, hepe sang Maayon PNP, nagsugod pa sadtong una nga semana sang disyembre nga ginamonitor ang amo nga persona kag sadtong katapusan lang sa bulan sang Pebrero may nagpalab-ot sang ila sang reklamo rason nga ginpatigayon ang maid-id nga monitoring.
Suno pa kay Punzalan wala sang malain nga record sa ila nga barangay ang amo nga persona.
Samtang, narecover sa amo nga arestado ang isa ka unit sang .38 caliber revolver kag tatlo ka mga bala, isa ka 12 gauge shotgun, isa ka 5.56 homemade single shot break type handgun nga puno sang bala, kag isa ka granada nga MK2.
Sa karon, yara sa kustodiya sang Maayon MPS ang suspetsado para sa nagakaigo nga disposisyon.
