-- ADVERTISEMENT --
ROXAS CITY – Madasig nga naka-responde ang mga katapo sang Bureau of Fire Protection (BFP) – Capiz agud hatagan sang pauna nga pagbulong ang isa ka lalaki nga ginaalegar naglumpat nagikan sa ikaduha nga panalgan, sa Robinsons Place, Barangay Lawaan, Roxas City.
Ginkilala ang biktima nga si alyas ‘Romilo’.
Sandig sa inisyal nga impormasyon, nag-angkon sang injury ang nawala nga paa sang biktima bangud sa paglumpat.
Sa karon, ginabulong na sa isa ka pribado nga ospital ang biktima.
Mahibaluan, masuwerte nga yara sa lugar ang mga katapo sang BFP bangud sa ginapatigayon nila nga roadshow sa amu nga mall.
-- ADVERTISEMENT --
