BRGY. FATIMA, GENERAL SANTOS CITY- Arestado ang isa ka lalaki sa General Santos City matapos nga ginpalagyo ang SUV sang anay niya nga amo kag nakabunggo pa sa pila ka mga propedad antes ini nga naabtan sang mga kapulisan.
Sa Barangay Fatima, nakuhaan sa video ang maaksyon nga hot pursuit operation kun sa diin naguba ang bumper kag buka ang windshield sang SUV. Makapila pa ka beses nga gintinguhaan sang suspek nga makapalagyo bisan pa nga nalikop na ini siya sang mga kapulisan.
Bangud sa pagpamalibad sini nga magpanaog, ginbakbakan sang mga kapulisan ang salamin sang salakyan antes ini nga gindakop.
Suno sa mga otoridad, ginapahayag ginkakas sa trabaho ang lalaki bangud sa paggamit sang droga, nga nakita nga motibo sa pagpangawat sang salakyan. Ginreport mismo sang anay nga amo ang insidente matapos makita ang suspek nga ginpalagyo ang SUV halin sa iya nga auto shop.
Sa pagnilagsanay, pila ka mga salakyan kag isa ka sari-sari store ang naguba, sandig sa PNP.
Yara na sa subong sa kustodiya sang mga kapulisan ang suspek samtang ginahibalo pa ang iban nga detalye sang insidente.
