Lalaki nga nag-abusar, dakop sang mga kapulisan sa syudad sang Roxas

Arestado ang isa ka lalaki matapos nag-abusar sa puluy-an sang iya nga iloy sa Bilbao Street, Barangay Inzo Arnaldo, Roxas City

Ginkilala ang amo nga persona kay alyas “Noy” 45-anyos, kag residente sa amu nga lugar.

Sa nakuha nga impormasyon sang Bombo Radyo nagikan sa Roxas City Police Station, ginpahayag nga nag-abusar ang amo nga persona sa puluy-an mismo sang iya nga iloy, nagpanghaboy sang bato kag ginpanglampos ang mga bangko rason nga nangayo na sang bulig ang nasambit nga iloy sa mga tanod sa ila nga lugar.

Sa karon, yara na ini sa kustodiya sang Roxas City Police Station para sa nagakaigo nga disposisyon.