Nakit-an na sang mga katapo sang Philippine Coast Guard (PCG) Capiz ang lawas sang 26 anyos nga lalaki matapos ini ang ginapatihan nga nalumos sa suba nga sakop sang Barangay Jebaca, Maayon, Capiz.
Ang biktima amo si Joven Alba Diaz.
Sa impormasyon nga nakuha sang Bombo Radyo gikan sa Philippine Coast Guard (PCG) Capiz , ginapahayag nga ulihi ini nakita nga buhi sang Septyembre 19 sa diin ginsiling sang mga pumuluyo nga ginpilit sini tabukon ang spillway apang, aksidente ini nga gin-anod sang tubig-baha.
Gilayon nga nagpatigayon sang search rescue and retrieval operation ang mga katapo sang Municipal Disaster Risk Reduction Management Office (MDRRMO), Maayon Emergency Response Team (MERT), Provincial Disaster Risk Reduction and Management Office (PDRRMO), Capiz Emergency Response Team (CERT), BFP-Maayon, PNP-Maayon kag Philippine Coast Guard (PCG).
Makaligad ang duha ka duha ka-adlaw, nasapwan nga wala na sang kabuhi ang lawas sang amo nga biktima.
Sa subong, nagapabilin sa isa ka punerarya sang amo nga banwa ang bangkay sang nasambit nga biktima.
