Dakop ang isa ka lalaki nga wanted sa kaso nga acts of lasciviousness kag rape by sexual assault sa banwa sang Sigma sa barangay Yati, Liloan, Cebu.
Ginkilala ang arestado kay alyas “John Marth”, 22-anyos, residente sang barangay Marigondon, Lapu-Lapu City, Cebu kag temporaryo nga nagapuyo sa barangay Bangonbangon, Sigma, Capiz.
Suno kay PCPT. Mark Anthony Garcia, Officer In Charge sang Sigma Municipal Police Station, ginpahayag nga natigayon nila nga maaresto ang nasambit nga akusado pinaagi sa pakig-koordinar nila sa Liloan Municipal Police Station sa Cebu.
Dugang pa sini, sang una nga tion nga ila pagpadulong sa barangay Marigondon, Lapu-Lapu City, Cebu, wala nila matigayon madakpan ang amu nga persona bangud wala suno ini diri sa amu nga lugar.
Gin-impormar sila nga yara sa barangay Yati, Liloan, Cebu, rason nga ila ini ginpadulongan, didto kag natigayon nga madakpan si alyas “John Marth”.
Mahibaluan nga nagapangatubang sa mga kaso nga, three (3) counts nga Acts of Lasciviousness nga may pyansa nga P100,000 kada isa kag Rape by sexual assault nga may piyansa nga P200,000 para sa temporaryo sini nga kahilwayan.
Sa karon, yara na ini sa kustodiya sang Sigma Municipal Police Station para sa nagakaigo nga disposisyon.
