ROXAS CITY — Patay ang isa ka lalaki matapos ginluthang kag ginlabu sang mag-amay nga suspetsado sa Barangay San Jose, Jamindan, Capiz.
Ginkilala ang biktima nga si Don John De Unggoy, 30-anyos, residente sang nasambit nga lugar.
Base sa inisyal nga imbestigasyon sang Jamindan PNP, padulong ang biktima sa Barangay Sta. Ana, Tapaz, Capiz sang ini ang ginlambatan sang mag-amay nga suspetsado nga sanday Reynaldo Sebanes kag Rodney Sebanes.
Ginapahayag nga hinali na lamang nila nga ginluthang si De Unggoy kag sang matumba ini didto kag ila ginhatuk-hatok labo ang biktima nga nautod pa ang kamot.
Ginalantaw sang pulisya nga daan nga hiligut-anon ang motibo sang mag-amay sa pagpatay sa biktima.
Padayon pa sa karun nga ginaayam sang kapulisan ang mag-amay nga Sebanes nga nagpalagyo matapos ang insidente.
