Lalaki patay matapos maaksidente sa ginamaneho nga motorsiklo sa Barangay Dinginan, sini nga syudad

ROXAS CITY – Ginbawian sang kabuhi samtang ginabulong sa Roxas Memorial Provincial Hospital ang isa ka lalaki nga naaksidente sa ginamaneho nga motorsiklo sang Disyembre 1 sa Barangay Dinginan, Roxas City.

Ginkilala ang biktima nga si alyas ‘Magno’.

Sa nakuha nga impormasyon sang Bombo Radyo Roxas, ginabulubanta natabo ang insidente 10:00 sang gab-i sa diin ginaalegar natumba ang ginamaneho sini nga Bajaj nga motorsiklo.

Nag-angkon ang biktima sang pilas sa magkatuhay nga parte sang lawas kag ginpadangat sa ospital.

Samtang, ulihe naman natumod ang pagkakilanlan sang biktima matapos nga wala ini nakitaan sang ID sang natabo ang insidente.

Natumod lamang ini sang iya pamilya matapos ginpanawagan kag nakilal-an ang tattoo sini kag nasuksok nga jersey.