ROXAS CITY – Personal nga nagpadulong sa istasyon sang Bombo Radyo Roxas agud ipabalhag ang ginapahayag ginkawat sini nga motorsiklo samtang nakaparking sa Barangay Baybay, Roxas City.
Sa interview sang Bombo Radyo sa tag-iya sang motorsiklo nga si Alexis Palomar, residente sang San Roque Street, Barangay Baybay, Roxas City ginpahayag sini nga sadtong Nobyembre 21, ginparking niya ang iya motorsiklo nga Honda Beat FI 110 nagaduag gray with yellow stripes kag may topbox nagaduag gray apang pagka-aga sa iya pagstekyar sa lugar kung sa diin niya ginparking natalupangdan na lamang niya nga wala na sini ang iya motosiklo.
Suno kay Palomar, wala siya nagalaum nga matabo ini bangud sa madugay nga tion na niya nga pagparking sa lugar, wala sang kaangay sini nga mga insidente nga natabo.
Pangabay sini ilabi na sa nagkuha sang iya motorsiklo nga kun tani ibalik sa iya bangud tuman ini kaimportante kag iya nga binakasan.
