ROXAS CITY – Nagtapos na subong nga adlaw ang Libreng Sakay Program sang Panay Island Transport Service Cooperative nga naga-biyahe sa syudad sang Roxas.
Kadungan sang pagtakup sang programa nagtuhaw ang mga isyu nga ginapili lamang sang mga drivers ang ila ginapasakay sa nga mga pasahero sa modernized PUJs.
Sa interview sang Bombo Radyo kay Chairperson Esther Montanejas suno diri, wala sang kamatuoran ang nagalapta nga isyu nga may piniliay ang pagpasakay sa amu nga programa.
Nagpanindugan ini nga wala sang ginapili ang mga drivers kag ginapundohan gid ang mga pasahero nga luyag mag sakay.
Samtang igapatuman buwas nga adlaw ang pagpataas sang P2 nga plete para sa mga modernized Public Utility Jeepney (PUJ) ini ang ba-se sa ginpapanaug nga mandu sang Land Transportation Franchising and Regulatory Board (LTFRB)-6.
Mangin P13 na ang pamasahe sang mga regular nga pasahero, sa kada una nga apat ka kilometro kag may yara man sa gihapon sang fare discount nga 20% sa kwalipikado nga senior citizen, estudyante kag persons with disabilities (PWD).
