Patay ang Lima ka mga pulis nga katapo sang Provincial Mobile Force Company sang Shariff Aguak base sa impormasyon nga ginpakigbahin ni PNP-BARMM spokesperson Capt Steffi Salanguit.
Natabo ang ambush sa area sang Barangay Mother Poblacion, Shariff Aguak, Maguindanao del Sur pasado las 9:00 subong nga gab-i.
Ang mga biktima ang katapo sang 2nd Provincial Mobile Force Company sang Maguindanao del Sur PNP.
Base sa report, sakay sila sa PNP Mobile car nga may body number 767, sang gin-ambush sila sang mga suspetsado samtang pabalik na sa Camp Datu Akilan, Maguindanao Del Sur Police Provincial office halin sa pagpatrolya sa Shariff Aguak town proper.
Walo ka mga pulis ang sakay sa nasambit nga patrol mobile, lima sa mga ini ang napatay lakip sanday Pat Kenneth Perocho, Pat Al-Fatah Marohom, Pat Amil Bangsa, Pat Arsenal Sivih, Pat Sayed Ridwan samtang si PLT Alfred Gregory, PSSg Adam Kamarudin Kansi, kag Pat Abubakar Lauban ang nakaluwas kag padayon nga ginabulong sa ospital.
Padayon pa ang hot pursuit operation sang PNP batok sa mga suspetsado.
