Naga-apelar si League of the Municipalities of the Philippines ukon LMP President Capiz Chapter Leodegario Labao Jr nga makighinun-anon sa konseho sang syudad angut sa apelar sini nga usaron ang Capiz National High School nga quarantine facility sang mga magapauli nga mga seafarers kag mga OFW’s nga nastranded sa Cebu City kag Metro Manila.
Suno kay Labao nga bukas ini nga makighinun-anon sa konseho sang syudad agud mahinalaan ang plano sang bug-os nga probinsiya kasunod sang pagmamatuk sang syudad.
Ginpabutyag sini kinahanglan nga mangin-isa ang syudad kag probinsiya kag likawan ang pagbinaisay ilabi na para sa kaayuhan sang probinsiya.
Samtang liwat nga nagpanidugan si Mayor Labao kay City Councilor Potato nga sa isa lang ka quarantine facility ibutang ang mga magapauli nga mga stranded seafarers kag OFW’s para indi maglapta ang virus sa tion nga may magpositibo sini sa ila.
