LTO, gina-imbestigaran ang mga kuwestiyonable nga registration sang mga truck nga nadalahig sa isa ka aksidente

Ginlunsar na sang Land Transportation Office (LTO) ang imbestigasyon batuk sa isa ka district head diri sa Metro Manila bangud sa kwestyonable nga rehistrasyon sang mga truck nga imbolbado sa maduguon nga aksidente sa syudad sang Paranaque.

Suno kay LTO chief Vigor Mendoza II, ang nasambit nga imbestigasyon ang nag-trigger matapos ang aksidente nga nagluntad sang Disyembre 6 sa Barangay Sun Valley, Paranaque nga ginkamatay sang isa ka persona kag napilasan sang lima ka iban pa.

Gindugang sini nga luyag lamang nila nga makakuha sang sabat bilang isa ka sahi sang command responsibility sa aksidente nga natabo.

Ginapasalig sang LTO Chief nga ila pasabton ang sin-o man nga may sala sa nasambit nga aksidente.