ROXAS CITY – Natigayon nga marescue sang mga otoridad ang mag-amay nga dutayan lamang malumos samtang nagatabok sa Sitio Ma-it, Barangay Santo Angel, Dumalag, Capiz.
Ginkilala ang biktima nga si Ryan Bedrejo kag lima ka tuig sini nga bata.
Sandig sa inisyal nga imbestigasyon sang Dumalag Municipal Police nagaguwa nga ginpilit sang mag-amay nga magtabok sa amo lugar sa pihak nga mataas ang lebel sang tubig baha.
Ginaalegar nga napatay ang makina sang ginamaneho nga motorsiklo ni Bedrejo rasun nga natumba ini sa dalan.
Samtang ginapatindog sini ang motorsiklo ginapahayag nga wala sini nadiparahan nga gina-anod na sang tubig ang lima ka tuig sini nga bata rasun nga gintinguhaan niya nga lagson.
Gilayon naman nga naka-respondi ang mga katapo sang Dumalag MDRRMO kag mga katapo sang BFP kun sa diin narescue ang duha.
Sa karon yara na sa hilway nga kondisyon ang mag-amay.
