ROXAS CITY – Dakop ang mag-asawa, matapos ang ginkasa nga drug buy-bust operation sa Barangay Palaguian, Maayon, Capiz.
Ginkilala ang mga nagkaladakpan nga sanday Frankie Dela Cruz Diaz alyas “Frankasyo” 46-anyos, tricycle driver kag asawa sini nga si Josephine Barredo Diaz 44-anyos, fish vendor kag residente sang Barangay Linateran, Panay, Capiz.
Nakuha sa paghinakop sang mga ini ang 7 tanan ka sachet sang ginapatihan shabu nga may kabug-aton 3 gramos kag Standard Drug Price nga P20,400.00, P500 nga buy-bust money kag drug paraphernalia’s.
Mahibaluan nga ginakabig Street Level Individual (SLI) sa ila barangay ang nasambit nga mga nagkaladakpan.
Natigayon nga madakpan ang mag-asawa pinaagi sa gintingub nga pwersa sang Maayon Municipal Police Station, Panitan MPS, Panay MPS kaupod ang Capiz PIT, 1st CAPIZ PMFC kag Philippine Drug Enforcement Agency (PDEA) Capiz.
Sa karun yara na ang mga ini sa paghinakop sang Maayon MPS para sa nagakaigo nga disposisyon.
