CAGAY, ROXAS CITY – Na-rescue ang isa ka reticulated phyton ukon magkal, sa bahin sang Barangay Cagay, Roxas City.
Sa interview sang Bombo Radyo kay Kagawad Isidro Aragon, iya ginpahayag nga pasado ‘las 9:00 sang aga, may nagreport nahanungod sa nasambit nga man-og malapit sa isa ka bakery sa Cagay highway nga gilayon man nga ginrespondehan.
Suno kay Aragon, malinghot ang palibot sang amo nga lugar rason nga gina-istaran ini sang amo nga sapat.
Gilayon man nga nag-responde ang mga katapo sang Bureau of Fire Protection agud nga madakop ang nasambit nga man-og.
Nagpanawagan man ang natungdan sa mga pumuluyo sang Barangay Cagay nga mangin alerto kag aligmat sa palibot ilabi na sa mga kabataan agud malikawan ang mga indi maayo nga insidente.
INTERVIEWED BY: BOMBO ROADNIE DABAN DALANON
