“HANGGA’T HINDI NATIN NAUUBOS ANG NPA MAGIGING MAGULO ANG ATING KOMUNIDAD AT BAYAN DYAN SA TAPAZ, CAPIZ’ – Major Cenon Pancito III
ROXAS CITY – Ini ang ginpahayag ni Major Cenon Pancito III, spokesperson sang Third Infantry Division (3ID) sang Philippine Army sang mainterview sang Bombo Radyo.
Ini may kaangtanan sa mga mga ginaapelar sang mga residente sa Barangay Lahug nga pahalinon ang mga militar kag kapulisan sa ila nga lugar.
Suno kay Pancito nga indi militar kag pulis ang dapat nga pahalinon sa lugar kundi ang mga miyembro sang Communist Party of the Philippines- New People’s Army (CPP-NPA) nga masami nagapatigayon sang mga kalakasan sa nasambit nga banwa.Ginpahayag sini nga wala man sang may ginahimo ang mga militar sa baylo nagapabilin sila sa lugar agud protektahan ang mga pumuluyo.
Dugang pa sini nga kun mas pilion lamang sang mga sibilyan nga mag-upod kag mag suporta sa grupo sang mga NPA indi sa gihapon mag-untat ang kalakasan kag ang pagpatyanay sa tunga sang militar kag rebelde nga grupo.
Samtang, nagpasalig naman ini sa mga pumuluyo nga kun mahimo indi na pagsuportahan ang mga NPA sa baylo nga mag-upod na lamang sa sabak sang gobyerno.
Mahibaluan nga kalakip sa mga napatay sa pagserbi sang search warrant sang mga otoridad suno kay Pancito ang kumpirmado nga nagasuporta sa rebelde nga grupo.
