Malapit 200 ka mga gun owners ang nagpakigbahin sa License to Own and Possess Firearms (LTOPF) kag Firearms Registration Caravan sa isa ka mall sa Arnaldo Boulevard, Barangay Baybay, Roxas City.
Sa interview sang Bombo Radyo kay Colonel Romeo Galgo Jr., Acting Chief sang Regional Civil Security Unit 6, iya ginpahayag nga yara sa 179 ang nakalistahan sa proseso para sa pagkuha kag pag-renew sang armas.
Suno kay Galgo, nagakadapat mahibaluan sang tanan nga gun owners ang ila responsibilidad sa pagpanag-iya sang armas.
Gin-facilitate ang caravan ni League of Municipalities of the Philippines Capiz Chapter President Mayor Mon-mon Malapajo kag Capiz First District Congressman Howard Guinto.
Tinuyo sang aktibidad ang pagpanubo sang kaso sang loose firearms sa probinsya.
Sakop sang caravan ang renewal, firearm registration, transfer of ownership, neuro-psychiatric test, drug test, kag notarial services.
