ROXAS CITY – Nagparekord sa Roxas City Police Station ang isa ka operations manager sang isa ka kumpaniya matapos nga ginaalegar gintaban sang ila salesman ang kwarta sa Barangay Sibaguan, Roxas City.
Ginkilala ang tagreklamo nga si Waldarico Ferenal 40-anyo sang nasambit man nga lugar.
Sandig sa ginpabalhag sang amo nga tagreklamo, ulihi na nila natukiban nga kulang na sang kapin P140,413 ang kuwarta sang ila opisina matapos ang ginpatigayon nila nga inventory.
Ginapatihan nga posible gintaban sang ila salesman nga si Adriano Gan 32-anyos sang Barangay Lawaan ang nasambit nga kwarta matapos nga wala na ini nagbalik sa trababo kasunod sang iya nga gin-avail nga leave.
Bangud diri ginpakamaayo na lamang sang tagreklamo nga iparekord pulisya ang insidente.
