ROXAS CITY-Arestado ang isa ka mangunguma matapos nga ginserbehan sang warrant of arrest sang mga kapulisan sang Tapaz Municipal Police Station sa Barangay San Julian, Tapaz, Capiz.
Ginkilala ang arestado nga si Teodoro Gequillo 63-anyos sang nasambit nga lugar.
Paglapas sa P.D. 705 ukon Forestry Reform Code of the Philippines ang ginapangatubang sang amo nga akusado kun sa diin ang warrant of arrest gin-issue kag ginpirmahan ni Hon. Daniel Antonio Gerardo S. Amolar, Presiding Judge sang Branch 21, 6th Judicial Region, Mambusao Capiz sadtong Enero 30, 2014
Ginrekomendar naman sang korte ang P40,000 nga piyansa para sa temporaryo nga kahilwayan sang nasambitan nga akusado.
Sa karon, nakahunong na sa karsel sang Tapaz Municipal Police Station si Gequillo.
