ROXAS CITY – Gilayon nga ginpadangat sa ospital ang masobra 20 tanan ka mga indibidwal nga nabiktima sang food-poisoning matapos nagkaon sa pistahan sang ila himata sa Barangay Jagnaya, Jamindan, Capiz.
Suno kay ginang Margie Cornillo, ang tagbalay kag nagluto sang pagkaon nga ginkaon sang mga biktima, wala sini ginalauman ang halos dululungan nga pagpalanuka kag pagpalanakit sang tiyan sang iya mga himata.
Nagapati naman ang ginang nga indi sang contaminated ang iya nga ginluto bangud mangin siya ang nagkaon man sini apang wala sang may ginbatyag.
Magluwas diri, madamo man sa ila bisita nga nakakaon sang ila handa ang wala nakabatyag sang pagpalanakit sang tiyan kag wala man nagpalanuka.
Yara na sa karon sa estable nga kondisyon ang napulo ka mga biktima samtang nagapabilin naman nga confined ang 11 ka iban pa kag padayon nga gina-obserbahan.
