Masobra 200 ka mga isda sa Mapanag Creek, Cuartero nagkalamatay; Punong Barangay nagapati nga ginhiluan ang mga isda

ROXAS CITY – Palaligban sa karon sa mga residente sang Barangay Angub, Cuartero sang natukiban nila nga nagkalamatay ang masobra 200 ka mga isda sa Mapanag Creek, Sitio Palali.

Sa interview sang Bombo Radyo kay Punong Barangay Santiago Fantilanan, nagapati ini nga ginhiluan ang mga isda kag posible residente sang kaiping nga Barangay ang may kahimuan sini.

Imposible man suno diri nga magkalamatay ang isda tuga sang mainit nga panahon bangud ginapalibutan man ang nasambit nga creek sang kahoy.

Sa karon, nagpatigayon na sang water sample test ang Department of Agriculture (DA) agud maberipika kun bangud sa hilo ang ginkamatay sang mga isda.