Nagbisita ang mga bag-o nga Defense and Armed Forces attache (DAFA) sang Pilipinas kay Armed Forces of the Philippines (AFP) Chief of Staff General Romeo Brawner Jr, bilang opisyal nga courtesy call sang mga ini, kadungan sang mga bag-o nila nga mga katungdanan.
Diri naghatag sang pila ka mga laygay ang AFP Chief para mas mapaayo ang relasyon sang pungsod kag sang AFP sa mga padulungan pa sini nga iban ka mga pungsod.
Ang mga DAFA ang ‘point of contact’ sang mga dayuhan sang pungsod sa mga hulusayon natuhoy sa depensa kag seguridad.
Ang mga incoming DAFA ang ginakalakipan sang mga masunod: Captain Arnold Fortin, incoming DAFA sa pungsod China; Colonel Michael Ramil Cabusas, incoming Assistant DAFA sa China; kag Col. Ronald Gaboy, incoming DAFA sa Vietnam.
