Nagpablotter sa mga kapulisan ang isa ka chief security sang isa ka resort matapos nga ginaalegar ginapeke sang mga empleyado ang bill sang mga customer nga nagpadulong sa isa ka resort diri sa siyudad sang Roxas.
Sandig sa ginpa-blotter ni Reynaldo Guillermo, 48 anyos sang Barangay Bolo sining siyudad nga ginaalegar ginpeke sang mga empleyado nga sanday Sherapy Parohinog, Johnrey Laurilla, Joevil Hablo, Ana Alarcon kag Arnold Aspeler, ang bill sang customer nga nagpadulong sa ginaubrahan nila sini nga resort.
Nahibaluan nga ginpeke sang nasambit nga mga suspek ang bill pinaagi sa pag-ilis sang kantidad sang kuwarta nga yara lamang nakabutang sa bill sang mga customer nga nagpadulong sa amo nga resort.
Natukiban lamang ang tanan nga mga anomaliya nga ginhimo sang nasambit nga mga persona sa diin hugot man nila ini ginpanginwala.
Padayon naman ang imbestigasyon sa nasambit nga insidente.
