ROXAS CITY – Nagpaguha sang advisory ang Department of Labor and Employment (DOLE) may kaangtanan sa suspensyon sang trabaho sa pribado nga sektor.
Ini ang epekto sang malain nga tyempo nga nagdala sang lapnagon nga pagbinaha sa dako nga bahin sang Metro Manila kag iban pa nga bahin sang pungsod.
Suno sa DOLE, desisyon sang mga employers kung magsuspinde sila ukon indi sa mga private sector.
Sa pihak sini, liwat nga nagpanawagan ang ahensya nga indi mahimo mahatagan sang sanction ang mga empleyado nga indi makatrabaho bangud sa malain nga tyempo.
Pag-abot naman sa sweldo, mangin no work, no pay ang sistema sa tion nga mapaslawan ang empleyado bangud sa malain nga tyempo kag mahimo nga gamiton ang leave credits.
Sa tion nga makompleto ang walo ka oras nga trabaho apang indi naman magnubo sa anum ka oras, ginsiling sang DOLE nga entitled sa gihapon ang mga empleyado sa full regular pay.
Samtang, ginrekomendar naman sang DOLE sa employers nga maghatag sang dugang nga insentibo sa mga empleyado nga magsulod sa trabaho apisar nga malain ang panahon.
