ROXAS CITY – May yara na lamang sang tubtob sa Hulyo 31 ang mga local government units (LGU’s) sa paggamit sa mga eskwelahan bilang quarantine facilities sang mga nagapauli nga mga Locally-Stranded Individuals (LSI’s) kag Returning Overseas Filipinos (ROF’s).
Ini ang ginpahayag ni Department of Education (DepEd) Capiz Schools Division Superintendent Dr. Salvador Ochavo, Jr.
Suno kay Ochavo nga halos sa tanan nga 16 ka mga kabanwahanan sa probinsiya ang may yara sang ginagamit nga mga hulot sa magkatuhay nga eskwelahan bilang quarantine facilities.
Suno kay Ochavo nga mahimo man mapalawig ang paggamit sang mga LGU’s sang mga eskwelahan kun magaapelar sila bangud sa padayon gihapon nga pag-alabutan sang mga ROF’s kag LSI’s.
Bukas suno diri ang mga hulot-klasehan nga mangin quarantine facility areas sa baylo nga ma-comply sang mga LGU’s ang mga rekisitos sang Inter-Agency Task Force (IATF).
Suno diri nga ang Department of Health (DOH) kag iban pa nga miyembro sang IATF man ang naga-assess kun mahimo nga gamiton nga quarantine facility ang isa ka eskwelahan.
