Isa ka pagpanghangkat sa Justice System sang pungsod Pilipinas ang mga impeachment complaints batok kay President Ferdinand Marcos Jr.
Sa interview sang Bombo Radyo kay Mr. Sonny Africa, Executive Director sang Ibon Foundation, iya ginpahayag nga ang una nga impeachment complaint nga ginpasa ang wala sang mabaskog nga ebidensya kag posible nga mabasura ukon ma-dismiss.
Suno pa kay Africa, sa ikaduha naman nga impeachment complaint, may yara sang mga dokumento nga ginakaptan ang complainant rason nga gin-approve ini nga ipaidalum sa maid-id nga pagtuon sang House of Representatives.
Apang, sa ikatlo nga impeachment complaint nga ginpasa, wala ini gin baton bangud wala sa pungsod sa Pilipinas Secretary General Cheloy Garafil.
Pahayag niya, ini ang makabig nga paglapas sa rules of the House kag posible may yara nga internal conflict bangud ang complainants ang lunsay nakasuporta kay anay President Rodrigo Duterte.
Nahibaluan nga sa maabot nga Lunes, January 26, maga-resume ang hearing sa House of Representatives kag kun ang una nga complaint ang i-refer sa House Committee on Justice, ini makabig nga pagsugod na sang impeachment proceedings, nga maga-resulta sang isa ka tuig nga bar rule sa pagbaton sang iban pa nga impeachment complaints.
Nagpanawagan man ang natungdan sa publiko ilabi na sa mga kabataan nga mangin kabahin sang pagpakigbato sang kamatuoran kag padayon nga panawagan sang transparency kag accountability sa gobyerno.
