ROXAS CITY-Nagdangat na sa 3,482 ka mga Locally Stranded Individuals ukon LSIs ang nakatigayon nga makapauli sa probinsiya matapos nga na-stranded sa Metro Manila.
Sandig sa pinakaulihe nga datos gikan sa Provincial Disaster Risk Reduction and Management Office (PDRRMO) 706 ka mga LSIs diri ang residente sang Roxas City, 160 ang taga banwa sang Maayon, 163 ang taga banwa sang Panay, 217 ang taga banwa sang Panitan,334 ang taga banwa sang Pilar, 147 ang taga banwa sang Pontevedra kag 149 ang taga banwa sang President Roxas.
Sa segundo distrito naman, 125 diri ang taga banwa sang Cuartero, 113 ang taga banwa sang Dao,168 ang taga banwa sang Dumalag, 107 ang taga banwa sang Dumarao, 87 ang taga banwa sang Ivisan, 192 ang taga banwa sang Jamindan, 248 ang taga banwa sang Mambusao, 162 ang taga banwa sang Sapian, 132 ang taga banwa sang Sigma, kag 271 ang taga banwa sang Tapaz.
Ang iban sini sa ila suno sa PDRRMO ang nakatapos na sang 14-day quarantine samtang ang iban naman ang nagapadayon ang 14-day strict home quarantine.
Samtang naglab-ut naman sa 727 ka mga OFW repatriates ang nakapauli na sa probinsiya sang Capiz.
