ROXAS CITY – Nag-angkon sang minor nga pilas ang isa ka persona matapos ang nagluntad nga aksidente sa Kilometer 1, Brgy. Lawaan, Roxas City.
Ginkilala ang mga persona nga lakip sa aksidente nga sanday Soville Soriano, 43-anyos, driver sang isa salakyan, residente sang Arnaldo Blvd., Brgy. Baybay syudad sang Roxas.
Samtang, ginkilala naman ang driver sang tricycle nga si Jerome Villanueva, 23-anyos residente sang Brgy. Dinginan sang nasambit nga syudad.
Sandig sa imbestigasyon sang Roxas City PNP, samtang ginasubay sang duwa ka driver ang dalanon sa bahin sang Kilometer 1 Brgy. Lawaan aksidente nga na sideswiped sang tricycle ni Villanueva ang salakyan nga ginamaneho ni Soriano.
Bangud sa natabo, nag-angkon sang minor nga pilas si Villanueva.
Ginkustodiya naman sa Roxas City PNP ang mga salakyan nga kalakip sa insidente para sa nagakaigo nga disposisyon.
