ROXAS CITY -Nagbalik na sa normal ang operasyon sang St. Vincent Ferrer Parish Church matapos nga ginaalegar ginsulod sang lalaki nga may yara sang deperensiya sa paminsaron sa Barangay Cagay, Roxas City.
Sa interview sang Bombo Radyo kay Rev. Fr. Digno Jore, kora paroko sang nasambit nga simbahan ginkompirmar sini nga may yara sang patigayunon nga misa subong nga adlaw sa pihak nga may mga kagamitan nga nagkalaguba sa sulod sang simbahan.
Suno kay Fr. Jore nga kapin sa 16 ka mga kagamitan sang simbahan ang lunsay nagkalaguba kasunod sang pagwaras ni Medel Alborte residente sang Barangay Tanza sining siyudad.
Kalakip sa mga nagkalasamad amo ang mga Ambu-glass, kandila, microphone, chalis, electrific fan, mga bangko, lamesa, bibliya kag pila ka mga santos nga imahe.
Gindugang pa ni Fr. Jore nga wala pa sang plano ang konseho sang simbahan natuhoy sa disposisyon ni Alborte.
Matandaan nga nagtuga sang kakugmat sa nasambit nga simbahan matapos nga nagsulod si Alborte nga may dala nga ice-pick kag nagpang-guba sang mga kagamitan sang simbahan.
