ROXAS CITY – Personal nga nagdangop sa Bombo Radyo ang isa ka mister agud ireklamo ang punong barangay sang Barangay Ibaca, President Roxas, Capiz nga ginaalegar nagpamahog sa ila.
Ang tagreklamo amo si Wilbert Herrera, residente sang nasambit man nga lugar.
Suno diri nga nag-ugat ini sang wala makabaton sang P6, 000 nga ayuda sa idalom sang Social Amelioration Program (SAP) sang Department of Social Welfare and Development (DSWD) ang iya nga ugangan bangud isa ini ka SSS pensioner.
Apang bangud luyag sang pamilya nga mangin patas kuntani ang pagtumod sang benepisyaryo sang nasambit nga ayuda, wala malikawan sang tiayon ni Herrera nga mag-post sa social media butang nga ginkaakig ni Punong Barangay Jerson Bunayon.
Suno diri nga nagpadulong si Bunayon sa ila balay kag didto nagtuad nga wala siya sang may ginapili sa iya nga luyag nga patyon.
Bangud sa pagkahangawa kag pagkabalaka, gindangop ini sang mister sa Bombo Radyo.
