Bangkay sang mister nga nadula sang pila ka adlaw, nasapwan nga yara na sa advanced state of decomposition sa takna alas 9:00 sang aga, Nobyembre 13, 2024 sa Sitio Proper, Barangay Malocloc Sur, Ivisan, Capiz.
Ginkilala ang amo nga bangkay kay Ricardo Ubay Vista, 60-anyos kag residente sang nasambit nga lugar ang nasapwan nga bangkay.
Sa nakuha nga inisyal nga impormasyon sang Bombo Radyo nagikan sa Ivisan Municipal Police Station, ginapahayag nga nakit-an ang amo nga bangkay sa mabukid nga area sang nasambit nga lugar kag ginabulubanta 1 ka metros ang kalapiton sa ila sini nga puluy-an.
Mahibaluan nga sang damlag lang, ginpanawagan ini sang mga kapamilya kag mga himata nga kun sa diin ginpahayag nga missing ini.
Sa karon, yara na sa isa ka punerarya sa banwa sang Ivisan ang nasambit nga bangkay kag padayon naman ang ginahiwat nga imbestigasyon sang mga katapo sang Ivisan Municipal Station agud matumod kun ano ang gintunaan sang kamatayon sini.
