ROXAS CITY-Padayon nga ginabulong sa isa ka pribado nga ospital ang magulang matapos nga ginbuno sang kaugalingon nga manghod sa Barangay Hipona, Pontevedra Capiz.
Ginkilala ang biktima nga si Primo Diestro 39-anyos residente sang nasambit nga lugar.
Sandig sa inisyal nga imbestigasyon sang Pontevedra Municipal Police Station ginaalegar nga nagpauli ang biktima nga yara sa idalom sang impluwensiya sang makahulubog nga ilimnon kag nagtuga sang kinagamo.
Apang hinali ini nga ginbuno sang makaduha ka beses sang manghod sini nga suspek nga ginkilala nga si Edwin Diestro, 34-anyos kag ginaalegar may yara sang deperensiya sa paminsaron.
Nakaangkon sang pilas sa tiyan ang biktima nga gindala sa Bailan District Hospital apang ginsaylo sa isa ka pribado nga ospital.//
Samtang yara na sa kustodiya sang mga kapulisan ang suspek nga manghod.
