ROXAS CITY – Ginpakigbahin sang wala na ginhingadlan nga negosyante nga nagabaligya sang tingi-tingi nga gasolina sa karsada sa bahin sang Barangay Banica nga nahibaluan niya nga iligal ang iya negosyo apang nahimo niya lamang bangud sa kaimulon.
Suno diri, ini lang ang iya nahibaluan nga pangabuy-anan nga makabulig sa ila pangadlaw-adlaw nga kinahanglanon agud mabuhi kag nangin mabudlay pa sa iya subong ilabi na nga nagapangdakop ang katapo sang BFP kutob sang ila makit-an nga nagabaligya sang tingi-tingi nga gasolina.
Dugang pa sini ginasunod man nila ang presyo sang gasolina kag nagaginansya lamang sang P1-P3 sa kada litro.
Ginsiling pa sini nga madasig na lamang ang ila paghimos sang ginabaligya nga gasolina kun mamutikan nga may nagapangdakop.
Matandaan nagapatigayon sang inspeksyon sa syudad ang katapo sang BFP agud mangdakop sa mga iligal nga nagabaligya sang tingi-tingi nga gasolina bangud man sa katalagman nga dala sini ilabi na nga dako ang tsansa nga tunaan ini sang sunog.
