ROXAS CITY – Isa ka butang lamang ang makapabag-o sa desisyon sang National Democratic Front of the Philippines (NDFP) para indi na pag-ipadayun ang hinambalanay pangkatawhayan sa gobyerno .
Suno kay Ma. Concepcion ”Ka Concha” Araneta Bocala, peace consultant sang NDFP Western Visayas nga bisan san-o wala nagaback out ang NDFP sa peacetalks sa gobyerno.
Ini sa pihak nga kun kaisa nagapabag-o bag-o ang desisyon sang GRP panel pag-abot sa serye sang mga peace panel discussion.
Apang indi na mag-uyang pa sang oras ang NDFP sa pagpakig-estorya sa gobyerno kun magdeklara sang martial law sa bilog nga Pilipinas si President Rodrigo Duterte ukon aprubahan ini sang kongreso.
Kun matabo ini suno kay Ka Concha wala na sang peacetalks kag indi na bisan san-0 mahatagan sang katumanan ang handum sang mga pilipino nga mag-ugyon ang tanan.
