ROXAS CITY – Isa ka daku nga pagpanghangkat para kay US President Donald Trump ang mayorya nga numero sang Democrats ni anay US President Barack Obama sa US House of Representatives.
Ini ang kasunod sang pag-domina sang Democrats sa House kag dominado naman sang Republicans ang Senate sa 2018 US midterm elections.
Sa interview sang Bombo Radyo Roxas kay Bombo International Correspondent Reynand Dumala-on, tumandok sang Capiz nga nagatrabaho bilang isa ka manunudlo sa Scotts Branch High School sa South Carolina, ginpahayag sini nga isa ka ‘challenge’ para kay Trump ang pag-domina sang Democratic Party sa House ilabi na nga policy-making body ini.
Mahibaluan nga nakakuha sang 209 ka congressional seats ang Democratic Party kun ikomparar sa 195 lamang sang Republican Party.
Nagapatimaan lamang ini nga makontrol sang mga Democrat ang Congress partikular na ang mga committee sini.
