ROXAS CITY, CAPIZ- Ginalantaw sang isa ka abogado nga ang pagkaulamid ni Senator Francis “Chiz” Escudero sa isyu sang maanomaliya nga flood control projects ang rason sa pag-ilis sa iya bilang Senate President.
Sa interview sang Bombo Radyo kay Atty. Joenar Pueblo, President sang Philippine Arbitration Center in the Visayas, iya ginpahayag nga kagustuhan sang mayorya nga mga senador nga buslan si Escudero kay Senator Vicente ‘Tito’ Sotto III bilang Senate President sang 20th Congress.
Suno kay Atty. Pueblo, nakakuha sang bastante nga numero sang boro si Senator Sotto kag natigayon nga mailisan si Senator Escudero sa amo nga pwesto.
Pahayag niya, apisar sa ano nga oras, mahimo nga mailisan ang isa ka lider sang Senado kun indi na ini naluyagan sang kadam-an nga mga senador.
Dugang pa sang natungdan, posible nga may yara pa gid sang madalom nga rason ang reorganization sa Senado.
Interviewed by Bombo Sunnie Mae Constantino Batencila
