Ikaw bala ang mahilig magkanta bisan wala sa tono?
Apisar nagainit na ang ulo sang mga kaupdanan mo, dedma lang kay feeling mo kanami gid sang boses mo.
Apang, nakahibalo ka bala nga ang pagkanta sang libagon ang may yara sang maayo nga benepisyo sa ikaayong lawas?
Sandig sa pagtuon sang mga eksperto, nga gin-publish sa Gabay sa kalusugan ni Dr. Gary Sy, ginapahayag nga pila sa mga benepisyo sang pagkanta nga wala sa tono ang nagapakuha sang stress, nagapaayo sang modo, nagahatag sang kapagsik, nagapalawig sang kabuhi, nagapakuha sang kasubo kag gina-exercise ang muscle sa upper body, nagapa-boost sang immune system, kag nagapa-improve sang breathing.
Ang karaoke singing ang maayo man sa ikaayong lawas bangud nagahatag ini sang entertainment kag kasadya.
Magluwas sini, maayo man ini nga form sang aerobic exercise.
Suno sa mga health expert, ang masami nga pag-videoke ang isa ka pamaagi sang therapy sa mga tawo nga nagaeksperensya sang psychological conditions.
Makabulig man ini sa breathing, rhythm kag ilabi nga nagapa-boost sang self-confidence.
Panugyan sang mga eksperto, padayuna lang ang pagkanta apisar wala sa tono bangud madamo naman ini sang benepisyo sa ikaayong lawas mo.
